وش هو نظام إدارة عملاء العقار (CRM)؟ ومتى يحتاجه مكتبك

وش يسوي نظام CRM بالضبط؟

• ملف لكل عميل: رقمه، وش يبي، ميزانيته، ومرحلته.
• الصفقات ومراحلها، من أول تواصل إلى الإغلاق.
• الوحدات والمشاريع: المساحة، السعر، الحالة، والصور.
• المهام والمتابعات بتواريخ، مع تذكير.
• تقارير: من وين يجون العملاء، ووين يوقفون، وليش تخسر الصفقات.

علامات إن مكتبك يحتاجه

• تنسى تتابع عميل، وتتذكره بعد ما يكون اشترى من غيرك.
• ما تعرف مين من الفريق مسؤول عن العميل.
• عميل يسأل عن وحدة، وما تتذكر وش عرضت عليه قبل.
• موظف يترك المكتب، ويطلع معه عملائه في جواله.
• الإعلانات تجيب عملاء، وما تعرف أي إعلان جاب مين.

ليش الحين؟

سوق الوساطة في السعودية صار منظم وكبير. فيه أكثر من 117 ألف رخصة وساطة، وكل عقد وكل إعلان له سجل عند الهيئة. المكتب اللي يشتغل بالذاكرة والجوال الشخصي ينافس مكاتب تعرف بالضبط وين كل عميل ووش يبي.

وش يميز CRM العقار عن الأنظمة العامة؟

الأنظمة العامة مبنية لأي نوع شركة، فتلقاها ما تعرف وش يعني وحدة أو مشروع أو معاينة. نظام العقار يربط العميل بالوحدات اللي تناسبه، ويعرف إن الصفقة مرتبطة بوحدة وسعر وعمولة.

وفي السعودية تحديدا، يفرق كثير إن النظام عربي من الأساس ومن اليمين لليسار، وإنه يشتغل مع الواتساب لأن عملائك هناك.

كيف تختار النظام المناسب

1. عربي بالكاملالشاشات والتقارير والتنبيهات، مو ترجمة جزئية.
2. مربوط بالواتسابالمحادثات تنحفظ في ملف العميل، والفريق يرد من مكان واحد.
3. تطبيق جوالالوسيط أغلب يومه برا المكتب.
4. تقدر تجربه مجاناجربه على عملائك الحقيقيين قبل ما تدفع.
5. سعر واضحسعر لكل مستخدم تعرفه من البداية.
6. صلاحيات للفريقكل موظف يشوف اللي يخصه، والمدير يشوف الكل.

سارو باختصار

سارو نظام إدارة عملاء سعودي للوسطاء والمكاتب والمطورين العقاريين، مبني حول الواتساب. العملاء والوحدات والصفقات والمهام والفريق في مكان واحد، وفيه سارة، مساعدة ذكية تتابع معك الخطوة الجاية وترد على عملاء المكتب على رقم واتساب المكتب.

الباقة المجانية لمستخدمين اثنين بدون مدة، والباقة المدفوعة 79 ريال للمستخدم في الشهر، أو 790 ريال في السنة.